الـكـنـز
ياليل م الحب صاحي
ومن الشقى نعسان
على كل طوبة ندى
وشذى وأمل انسان
من الضلام في الضي
ومن العطش في الري
من ألف حي وحي
من ألف عام وأنا عايش
في الزمان الجاي
كلمتين جامدين سمعتهم من وجيه عزيز هزووووني
وافتكرت ساعة أما كان بيحكي مع منى الشاذلي عن حفلة
كان طالعها والناس شتمته فقعد يلحن الشتيمة
وكمل غنى والناس سمعته ونجاوبت معاه
وأكيد هما دول أكتر ناس اتكلمت عنه وعملوله دعاية
قرار أخده في لحظة كانت انهيار
ولو نزل ومغناش هيفضل مهزوم في نظر نفسه
واجه خوفه بطريقة بشوف الدنيا بتحطنا فيها علطوووووول
اتنين واقفين قصاد بعض كاوبوي أمريكاني
كل واحد في ايده مسدس فيه طلقة واحدة
النجاح والفشل..ولازم قرار...وأين كان
صابت ولا خابت أوحتى لوخدت جرح صغير
فأنت اللي شايل الليلة
وده وضع مفروض علينا رسماه الحياة
ممكن نهرب منه..بس هنبقى للأسف خارج الخدمة
وممكن نهرب ليه..وأكيد في دقيقة حتى الخط هيجمع
احنا فعلا بندور على بكرة في الزمان الجاااااي
أنا يمكن شايف له ملامح ..الحمد لله ..وصلنالها
وده مش تفاؤل..اوعوا تفهموني صح..دي مش أخلاقي
وصلنا لمعطيات بكرة يالجروب ده..بالناس دي ..بوش مصر الحقيقي
مش بتاعة تامر وعمرو وشريف صبري
صورة الحارة المفتحة ابوابها على بعض بكل قيمها
ومبادئها وأخلاقها
أرابيسك..بيتكمل حبة حبة
ساعات أما بزعل بخش أشوف البلوجرز كاتبين ايه
مين بعت
لازم أروح... ده معاد بوست فلان...ياترى مشواره تم ولا
صحي م النوم الصبح بالليل؟॥عملت ثورة؟
النحلة قرصتها؟
راحت سيتي ستارز؟॥قلمه طفح؟
جالها عريس جديد..كتب قصيدة؟
عيان...بتولد...فرحه فين؟॥
لسه زعلانه.؟..اشتغل ولا لسه
نجحت..عمل ايه في الامتحان..دراعها مكسور؟
قابلت محمود سعد؟
حتى لما بتتهز ثقة الواحد في نفسه
بيرجع تاني يقول لنفسه...أنا أعرف الناس دي
يقلب صور..يقلب بوستات...يشوف فيديوهات
أنا صاحب عاشق وسكايار ومستكنيص واللهو الخفي
وعبد الحي وميدو ومؤمن وخفة دم
واخواتي ثورة وكلماتي وديو برايد وترو ثينج
و وخوخة وسوسو وماهي وزوز وروفي ورومي
وبطوطة وجميلة وباقي الكاست
هزعل ليه خايف من ايه
حتى الناس اللي ماشفناهمش سمراء النيل ومحض روح
وبرااااااااااااايد
في معنى جديد بيتولد .....جوااااااااانا
ومش هزعل لو محققناش اللي عايزينه
وكان حتى الكنز في الرحلة...أعتقد يكفي
صابر راضي شاكر قانع
بايس ايدي وش وضهر
في كل حارة ولد عترة وصبية حنان
وكلنا جيرة وعشرة وأهل وخلان
أصل الحكاية حكايتنا ابني الانسان
posted by Halawa at 04:39
14 Comments:
ما انت حلو يا بنى اهوه ..امال ايه الحكايه
بجد و صحيح انسان انسان بس كل ده مستغبى
سيبله فرصه يطلع و يشوف النوور
انسان انسان قالولي كده في الكشف الطبي
خليك انت في النوع التاني
خفة ياااااااااااااااد
الله عليكي يا مصر ... ياحتة من حتة
لبسالي توب النصر ...وعملالي بفتة
إيه الكلام الجامد ده ياعم ... ما بالراحة شوية..انت عارف ...انت بتحسسني إن كان نفسك تطلع دكتور بيطري ف عزبة كفور العرب أو كفر الأصالى ...مابقولش إن ده وحش ...طبعا لأ ..ده شعور جميل جدا ...إنك تحس بإنك لحظة ما هتقع هتلاقي البلد كلها حواليك ...من أول مصطفى باشا ... لحد عم جرجس بتاع الصيدلية
و ده مش حرام ... الدين ما نهاش المسلمين عن الذين لم يحاربوهم ف الدين بس فعلا محسسني بحسن أرابيسك ... والله شعور جميل
ياااااااااااااااااااا حلاوية
فيه ممثل معرفش اسمه بيقول الكلمة دي كتير وهو مبثوط
ومتبصش لصاحبك ف اللقب بتاعه
فيه نوع تالت كنت نسيت أقولكو عليه
إنسان حقيقي ودا وسط ما بين إنسان إنسان والتالته اللذيذه اللى كلكو بتحبوها دي
مش وحشة خااااااااااالص
بس أنا عندي ليك اسم غير التلاته دول
إنســــــــــان رائـــــــــع
.
.
.
.
امبارح قريت قصة قصيرة لأستاذ صلاح قمة في الإبداع و الفلسفة العميقة
هكتبلك بعض من الجمل بتاعتها:
- الحزن حفرةفي الصدر تمتص كل طاقة الإنسان
- أعظم لحظه في حياة الإنسان هي لحظة المواجهة
- الإنسان هو الوقت
- الإنسان مساحة زمنية ، لذا عار علي من يؤجل شيئا لغد لأنه يكون كمن يؤجل حياته فالإنسان منا ليس إلا الآن
- الإنسان تراكمات زمنية تسكن في مكان واحد
- الحزن يحول الزمن إلي مكان
(والمكان هنا مقصود بيها أثر الأزمنة الماضية على المكان .. يعني المكان يجسد تاريخ أزمنة مضت وانتهت
لكن الزمان يمضي إلى الأمام
ولا يجب أن نتوقف عن العيش في الزمان ونغلق على أنفسنا حدود المكان
و هذا ما يحدث في حالات الحزن على الماضي)
- وإن تحول الإنسان إلي مكان فهذا هو الموت
ربنا يوقـــــفك يا حلاوة
( بطلع لساني )
هو انا مسموحلي اعلق
يعني ممكن اقولك شكرا
وممكن اقولك اللي يكتب الكلام دة بجد لازم يكون فعلا انسان
ممكن ابقي اخش عندك تاني بس ياريت تبقي تكتب كتير
عرفت انك شاعر
ممكن ابي اقرا كلامك
انا النهاردة فعلا لقيت كنز
ربنا يخليكي
ياسمراء النيل
تشرفينا كلنا
بقيتي خلاص واحدة م العيلة
ربنا يوقفك يا ست مصر
كان في كلمتين للاستاذ صلاح
قصدي للاستاذ محمد منير
الحزن قام حفر عفر
عفر قسى ودموع
غار الفرح غنى وصفر
قال البكا ممنوع
لا الناس ولا امبارح
ولا الزمان جارح
فين قلبك الشاطر
يضوي أمل وشموع
يااااااه ياحلاوة أنا مش هرد عليك أنا هسيب قلب
بيعيط هو اللي يرد عليك بجد ياحوة كلامك ده دخل علي البطين الايمن نخشش فيه واحساسك واصل ياحبي المهم بس تدعي ربنا انا العيلة دي تكبر وتترابط اكتر واكتر ويبعد عننا الشيطان وغير الشيطان
روعة ياحلاوة
القرع لما استوى قال للخيار يا لوبيا
وأنا لما بيفيض بيا لا بصوت ولا بلم الناس عليا
أصلى ولا مؤاخذه متربيه
وكمان بعمل حساب للكنز اللى لعنته حلت عليا
ولا حتى كنت بجرى وأستخبى تحت البطانيه
كنت بسكت وأكتم جوايا فيا
و أفضل صابرة ومستنية
يمكن يتصلح حالنا ويا البقية
بس الساكت فى الزمن ده ملوهش ديه
والدنيا عليه بقت مستقوية
وصحيح متكلمش وأقول ليه!
وأنا لا البسة واكلة لسانى ولا أنا مخرسية
بس وحيات أمى الغاليه
لتفوت الأيام دهية
وتيجى أيام جديده مستعفية
وعمرى ما هسيب الدنيا تستقوى عليا
وأنتوا بأه صبركوا بس عليا....
بتهيألي ياعم المستخبي
عرفتك من كلامك
وحياة أمي الغالية
ومصدقك ومقدرك
وفاهمك
معلش متنكرش
ان دي أحلى حاجة شفناها في حياتنا
ودي أحلى دنيا سكناها
مش هنهدها عشان غبايات صغيرة
مهما حصل
وصدقني انت جامد جداا
وبتفكرني بأمي زي ماقلتلك قبل كده
استحمل واكبر بالناس وبنفسك
انت عندك موهبة الصبر
اللي مش عندي
ربنا يعزك
بس انا حسبتها قبل كده
وعلى رأي اللي قالها كل واحد عنده غباء بس في غباء مابيركبش
مع التاني
كيميا بقى
ربنا يديم المعروف
وتعمل بلوج تفيص فيه قبل ماتنفجر
مالكش دخل بحسن أرابيسك
ياسكايار ده صاحبي
وبلاش سيرة كفر الاصالة والعرب
لحسن نصحى مانلاقيهمش ع الخريطة
ارحم بقى
وكتاب الله انا كنت عارفه ان اى مواطن هيقرى التعليق هيعرف مين صاحبه لان كل واحد فينا ليه اسلوبه اللى بيقفشه
وطبعا محدش يقدر ينكر ان دي أحلى حاجة شفناها في حياتنا
ودي احلى مرحله عشناها وان دول بالصلاه على النبى أحسن ناس قابلناهم واتعلمنا منهم ومعاهم كل حاجه حلوة
وبما انهم احسن ناس يبقى تحب دايما انك تشوفهم فى احسن صورة دايما ادامك وادام غيرك ومفيش حد فينا من غير غباء زى ما بتقول بس لو الناس تبطل تكابر تبقى اتحلت
و ربنا يديم المعروف بس مش هعمل مدونه وهبقى ادخل افيص عندك.
البيت واحد
والقلب واحد
والعمر واحد
والرب واحد
اهلللللللن حلاوه
اان مش هعرف ارد عليك هنا
فى موضوع عندى على البوجايه مخصوص للرد على موضوعك ده
هستناك هناااااك
فى رعايه الله
Post a Comment
<< Home