Wednesday, 6 August 2008

رنة الفجر

رغم إنك كافرة
بـ عشق الصبر

بتصرِّي ..
تـرني
- رنة حقيرة -
ساعة الفجر
جايز ..
تشفعلك

بس الغالب
مش ..
بسمحلك

تآخدي الأجر

10 Comments:

Blogger ono said...

حلاوه بيه العنتبلي
ال علي علي ياباشا وليه حق مش يسأل علينا
بس بردوا أحنا عيال جدعه ورخمه وهنسأل عليك
أخبارك
وأحوالك
ياريت نشوفك قريب
وبلاش تبخل ع الناس بالآجر

7 August 2008 at 10:57  
Blogger رحــــيـل said...

دكتور يحيى

متألق دائما

بس قولى هى غلاسه عشان مصر انها مش تاخد الاجر
هههههههههه

تحياتى وتقديرى

8 August 2008 at 21:22  
Blogger sakayar said...

ما بال هذه الفاجرة الفاسقة الكافرة المنحلة عن الصبر
ايتها الغوغاااء
إذن سيدي انهم مش تبعنا ... فلنذهب وراءهم ونتشمم رائحتهم الكريهة
ويل ثم ويل ثم ويل لهم الزنادقة الخارجين عن الصبر .... كيف يوقظونني لصلاة الفجر
إنها لا تصدر هذه الرنة إلا من خسيس
ويحك يا أبا كيكو ... تمهل قليلاً إنهم حبظلم فصادا ليس إلا
إذن فلنغمس ايدينا في الرمال ونستخرج الذهب
هيا يا رجاااااااال
ولا حول ولا قوة إلا بالله
والسلام ختام
شكلك فاهم يا نصة

9 August 2008 at 17:00  
Blogger Halawa said...

أونو

عيال آه انما جدعان هههههههه
تسلمي يامنى يا جميلة ربنا يخليكي
انا كويس واللهي
متخافيش اللي زي
بيموتوا موتة فظيعة
هههههههههه
مش بالراحة كده
أخبارك انت
ايه رأيك في البقين دووووووول
متخافيش هديك بقشيشك
خلي بالك من نفسك

10 August 2008 at 01:21  
Blogger Halawa said...

رحيل

سارة هانم ازي سعادتك
ربنا يخليكي
هو انا فعلا غلس
أعتقد سيادتك كل اللي تعرفيه عني
تقريبا كده
ههههههههههه
في ناس لازم تغلس عليها كده
لأنها ماتستاهلش
هقوم أصلي لوحدي
ممكن أي حد يآخد الأجر بصحياني الا هيا
حتى لوقفلت موبايلي
ههههه

دمت بخير وشكرا لزيارتك

10 August 2008 at 01:32  
Blogger Halawa said...

سكايار

الرقم الذي طلبته ربما
يكون مشنوقا أو محروقا
يرجى الاتصال في وقت لاحق
وعلى المقيمين خارج الدهايمة
مراعاة فروق التوقيت
ههههههههههههه

10 August 2008 at 15:46  
Anonymous إلياذة said...

هي رخمة صحيح انها ترن الفجر بس ان شاء الله ربنا هيجازيها على قد نيتها

المهم انت قمت سعتها صليت الفجر ولا كملت نوم

حلوة يا يحيي

وده مش جديد عليك

11 August 2008 at 07:45  
Blogger Halawa said...

ازيك يا إلياذة
أخبارك
والله هي رخامة فعلا
بس الغالب دايمن للأسف الأهداف النبيلة
هي الغلاف البراني للسم الجواني
وآهو كله بيعدي
عادي جدا ممكن أقفل موبايلي
وأصلي انا لوحدي من غير رنات
هههههههههه

شرفتي

11 August 2008 at 15:45  
Blogger الحلم العربي said...

هههههههههههههههههه
بجد جامدة جدا
و الله تحفة
بالمناسبة مرة واحد حكالى انه كان بيكلم واحدة في التليفون و بيقولها انا نفسي اللى اتجوزها تكون متدينة قالتله ثانية واحدة و بعدين قامت شغلتا لراديو على إذاعة القرآن الكريم و قالتله معلش اصلى كنت بوي الراديو أصل احنا على طول مشغلين القرآن في البيت ..
ههههههههههههه
بجد البنات ساعات بتكون ليهم حركات عجيبة
قال يعني الثواب خلص إلا من انها تصحيك انت ما تروح تصحي اختها أولى
ههههههههههه
و بقولك ايه .... ما تصحي نفسك يا بابا و تريح دماغك
ههههههههه
رائع كالعادة يا حلاوة بيه

14 August 2008 at 11:34  
Blogger قصاقيص said...

مبدئيا كده ياصاحبي انا مش هرنلك تاني خااااالص
انت يابني بتعبر الرنه الحريمي لعنه ولا ايه
بيني وبينك اخاف يكون الدور عليا والاقي البوست الجاي بتقولي "صبئت عن دين الالهه" وانا جتتي مش خالصه
هههههههههه
.............
عارف؟من اجمل مافيك انك بتاخد بالك من فلاشات بتغيب عن بال كتير مننا.والاجمل انك بتكتبها وبتطلع منك زي قالب الشيكولاته ..منحوت ومجسم
..........
علي رنات بقي ياصاحبي.بس بلاش الفجر

18 August 2008 at 21:51  

Post a Comment

<< Home