Thursday, 20 November 2008

قلب استانلس

ولإن النعمه
تقيله عليك
وقعت منك
فشت ع الأرض
واتبدر العقد المضفر
وخلصت أوام م التوطيه
وطلعلك بدل الأتب المتثبت
على نور الكدب
أجنحه ألامونيا
بتذيع هتافات
بصمة شوكك
ولاعدش بيغلط فيها اتنين
مبروك الروح
ملعون الروحه
مسموم النبضه
في قلب استانلس
من غير مصفاه
جاهز للبيع حته بحته
للي هيقرص يوم ع الزهر
محروق الكرت اللي هيشفعلك
تتحايل بيه وتخش الجنه

4 Comments:

Blogger قصاقيص said...

للدرجادي بتحبها يايحيي؟؟
القصيد فعلا تستاهل تتحب بس انا شايفة ان القصيدتين التانين يمسوا القلب اكتر

بس انا حساك انت حاسس دي اكتر
تسلم الامتحانات اللي خلتك ترجع للكتابه اقوي كده
سلاماتي ياقمر

21 November 2008 at 00:13  
Blogger wessam kabil said...

أنا مع مي برده يا يحيى

واضح انك بتحب القصيدة دي قوي

القلب الاستانلس سهل التنظيف

وبيوصل الحرارة والبردوة كمان بدرجة عالية

دمت متألق

21 November 2008 at 01:47  
Blogger Halawa said...

مش عارف يامي والله
انا بموت في الهبابه دي
يمكن تكون مش واضحه شويه
بس
الامتحانات دي فله
حته من قلبي
تسلمي دايما
وشكرا لكل شئ
دمت بخير

22 November 2008 at 22:16  
Blogger Halawa said...

ويساااااااا

خليكي كده
حوري كل الكلام
انا مالي ومال الحراره
الحراره قاطعه
هههههههه
قريب هنزل قصيدة منيش عارف
ولاتزعلي أي خدمه

دوسي امتحاناتك قربت
دمت بخير وشكرا لاهتمامك

22 November 2008 at 22:18  

Post a Comment

<< Home