سـوبـر جـيـت
وسط إزاز السوبر جيت
صورتك طـِلعت
فـ اتخـضـيـت
قلت دي يمكن
عـيـّلة تايهة
نازلة ف نشرة
غابـت فـتـرة
بـرة الـبـيـت
قـُمت أدّارى
في أي سـتارة
جـايز العـيب ده
م النضـارة
نفس الصـورة
قاعـدة بـتـكـبر
عـاملـة مجـال
زي مجــال
الضغـط العـالي
يمــين وشمـال
يسحـب فـيـّا
فـ اتـشـديـت
واتدهـولـت واتـثـبـت
واتـرجـيـت
كان إيـه طـلـّعـني
بـرّة البـيـت
امشي يا بـت
ما بتمشيش
امشي يا سـتـي
ما بتمـشـيـش
طـبـعـي السـّـو
لـو زاد حـبـك
سَـنـْـتي ف قـلبي
بعـمل فيها عـم العــوْ
تـجـري تـخـافـي
أشقى ف بعـدك
أقـــوم أحـلـــوْ
تضحكي ضحكة
تـشـك الـقـلـب
تـشـق الغـيـم وتحـلـّي الجـوْ
وحياة نـن العين السارح
ويـّا كتاب العمر المالح
كوني بْـحُـبك مـا تجـبّـيـش
ليه تـتـنـازلي
أو تـتـكـسـفى
ما تـخـــــبــيـش
أو تـتـكـسـفى
ما تـخـــــبــيـش
حتى ان كان الرد مفيش
قلبي هيقبل يـبقى أفـيـش
حاسـس إنك روح
من توبي
عاشقة ...وخايفة
تيجي تـطـهـّر كل ذنوبي
عمري ف يوم
ما احتجت لحد
غصبن عني
كنت بـكـبـّر بيننا السد
طوبة بهجـْر وطوبة بـود
بس المـرّة... أنا بستهبل
بس بجد
يخرب بيته السوبر جيت
31 Comments:
واحشنى بجد صحيح من البعد أنا قلبى جريح طول ماأنت بعيد ياغالى ناقصانى حاجات كتير
طبعا أكيد كنت لازم أبقى أول كومنت
وأكيد تانى الكلام ده كله ليا
طبعا تالت مش همشى وهفضل على قلبك لآخر يوم فى عمرك
ههههههههههههههه
ياترى مين دلوقتى اللى بيصحيك؟
مين اللى بيرخم ويتغالس عليك
ويفضل يصدع دماغك لحد ماتزعق وتطردها
أكيد طبعا مفتقدنى وأكيد وحشتك برده
متتأخرش وكفايه كده البيت وحش من غيرك
سلملى على كل اللى عندك
اه نسيت أقول حاجه
بقيت من بتوع السوبر جيت
الله يرحم قطر اسكندريه
ابو 4 جنيه
وكفر سعد
وغيرها
يالا
هى دى النهايه
يومين رحت المعادى بقيت كده
ماشى
اهم حاجه اتبسط وفرفش وظقطط
وغير جو
سى يوووووووو
سوبر جيت يا سوبر جيت
واضح ان فى كارثة جديدة يا سوبر جيت
واحنا نقول رجلك خدت على مصر
بس الاوقع انك كاتب الكلام دا لاخوك اللذيذ شريف
طبعن اكيد هو احد الاسباب لابداعك
دا اذا مكنش سبب رئيسى
بعيدن بقى عن المسخرة
بجد يتشل الكلام
توحفة اوى يا واد
جميل اوى
مش يخرب بيت السوبر جيت
يخرب بيت افكار سعادتك شخصين
تسلم يدك يا ولد( بالصعيدى)
عامل ايه والواد شرى اخباره ايه ؟؟
يارب تكونو انتو الاتنين تمام
ربنا يقويك معاه
بس هنا مضلم اوى يا عم النجم
الجميع مس يوووووووو
سلاموتو
فاتنى سهون وليس قصدنن
التعليق على عامل مجال
ياه حضرنى موقف
انت اكيد فاكره بلاش فضايح
روعة اوى يا يويو
جااااااااااااااااااااااااااااامده
يخرب عقلك يا حلاوه.ايه الحلاوه دي يا
ملك.القصيده دي مهمه جدا في الوقت ده
بالذات (اكيد انت فاهمني) في كلام كتير
ممكن يتقال بالشعر احسن من اي حاجه
تانيه.اهنيك انك استعملت موهبتك صح
اوى المره دي وربنا ينولك اللي في بالك
يا يحيي يا ابن(....)مش مهم ما علينا.
بجد القصيده حلوه اوى اوى واكيد انت
عارف اهميه السوبر جيت بالنسبه لينا
كلنا.القصيده دي بقي ليها معزه
(مااااااء)في قلبي من اول لحظه شفتها
بجد حلوه اوى اوى اوى اوى اوى يا ملك
ربنا يكرمك يا حلاوه وتسمع اخبار
حلاوه قريب ان شاء الله.
السلام عليكم
لتاني مرة اكتب الكومنت وانا عندي امتحان بكره ومستعجل بس برضه الموضوع يستاهل قريته مرة في السريع بس منفعش فقريته 3 مرات بعدها كإنه دوا بالظبط للعك اللي انا واقع فيه
بجد تحفه وانا بشكر السوبر جيت "الحقير"ولأول واخر مرة هشكره علشان خلاص تكتب التحفه دي
لفتت انتباهي اوي كلمة مجال اصلي بسمعها عندنا كتير اوي في الكلية بس دي اول مرة اعجب بالكلمة
تحياتي لحضرتك ولينا كلام تاني بس لما افضى شوية
يارب مكتبش الكومنت تاني
رائع يا حلاوه تمنياتى بالتوفيق ... وعام جديد سعيد
باشا
واحشني فوق ماتتصور
الظاهر انك اخدت على قعدة المعادي والمترو والقراءة للجميع والجو ده
يابني بلاش علشان متاخدش على كدة
احنا ماينفعش نبقى ولاد ناس .... ممكن تتعب كدة
الدهايمة محتاجاك
ارجع لارضك ولناسك والعربية السبعة راكب عند الهابي لاند
هو صحيح البنات فيها مش زي بتوع السوبر جيت بس لازم ترجع قبل متتغير وتبقى ابن ناس ومعدناش نعرفك
------------
ياريت بس يكون بفايدة
والواد شريف اخباره ايه سلملي كتيييير عليه وقوله يشد حيله في الامتحانات وربنا معاه
اضطريت اكتب القصيدة قدامي علشان اقدر اتامل قيها وانا باكتب التعليق واهو منها ازود عدد الكومنتات كمان وخاصة بعد حركة النوم الكبيرة في التعليقات
------------
ايها السادة
حلاوة تفوق على نفسه
وعلينا كلنا طبعا
كلامك رائع بجد بس انا عايز اسمعها منك انت
الشعر منك انت حاجة تانية
بجد مالهاش حل
انا باعتبرها اعلى حاجة كتبتها
الهي اللي تزعلك متتجوزكش
وكفاية عليها الدعوة دي
مستنينك
كوييييييييييين
وانتي كمان يا شيخة
ايه الأغاني البيئة دي
تكاتك ياااااااااااي
دهايمة اخيييييييه
شوفي حاجة كلاس شوية
الكلام ده ليكي ليه؟
انا انطسيت في عينيا
سوري انا مش بشوف
هههههههههههههه
معادي بقى
محدش بيصحينا لأننا مبنامش
غير لما يغمى علينا
بعد العصر ونصحى بالليل
الحمد لله استريحت منك
هاجي لا تقلقي قلوبنا معكم
كويييييييييين الكلبة
عيب احنا في سوبر جيت
يا كلاب والنس بتتفرج علينا
كل مرحلة لها متطلباتها
وتوجهاتها
ورجالها
هههههههههههههه
دخلت فيلم الجزيرة
خليكي عندك انتي
ههههههههههههههههههه
كائن نوراني
انبري ياختي
انبريييييي القر ده
اللي مخلينا مكاننا
هههههههههههه
شريف مين يا بو شريف
مش يحكم هههههه
مش يحكم فعلا
والله بجد
فعلا في شاعر عبقري
كان قاللي أحلى وقت
تكتب فيه وانت في اللاشعور
مطبق أو متدهول
قلتله مليش في الدهولة
قاللي يبقى السهر
وفعلا ده اللي حصل
كنت رايح مش نايم
ووقفت كتييييييير
في المواصلات
اتسطلت لوحدي من غير حاجة
ههههههههههههههههه
نحن بخير
بنتقدم خطوة لقدام
وخايف نرجع عشرة لورة
ادعيييييييييييييي
وحشتينا بجد
يارب أشوفك
قبل ما أموت كده كتييييييييير
نوراني
قوللي كائن لسانه طويل
وربنا مش فاكر المشهد ده
حتى شريف ورفيدة وياسمين
كل واحد بطريقة
وبرضه مش فاكر
بس اللي فهمته
انه كان لازم نتضرب
ليه محصلش كده
هههههههههههههههههههه
kimooooooooooooo
استر علينا يا سيد الناس
انت ملهمي دلوقتي
كل ما جاء في السياق
من خيال المؤلف
وليس له أي علاقة بالواقع
وأي شخص يتدعي وجوده
يعرض نفسه للمسائلة القانونية
وشكر خاص لوزارة اللللللللل
ولفندق سميراميس
وكل الجهات المعتنية بشغلها
خخخخخخخخخخخخخخخخ
نااااااااااااااام
امشي ياحرب اليمن
خلاص هيشرب اللبن
سيادتك سوبرجتييييييييت
علشان كده أكيد القلم جه ع القفا
حلال عليك أي جزء فيها ياعم
ورينا هفرح
مووووووووووووووووه
وايت هاااااااارت
ايوة كده متحلوش في الامتحانات
ولبسوهاني أنا بقى
عيب عليك ياريس
هي معدتش عليك قبل ما تنزل
علشان انت مكنتش فاضي
انما خلص وملكش دعوة
كل يوم عندكو
عك يا سيدي عك
المهم تتعلم
أما بالنوسبة للمجال
اصلي دخلت طب من علمي رياضة
هههههههههههه
بالتوفيق ليك في الهندزة
والرياضة بكرة
السيد شبل
تشكراااااات ليك
نورت سيد بيه
معلش لسه مشفتش حاجتك
مقصر انا اعذرني
تحيااااااااااااااتي
رومانتيكااااااااااااني
حبي الأخــــــــراني
ومقلب احزاني
ازيك وحشتني
جو لذييييييييذ بجد
وتغيييييييييير
موضوع ولاد النس منتهي تماما من حياتي
هههههههههههههههههه
عمري ماهآكل جبنة رومي أبدن
ولا تخش جوفــي
ههههههههههههه
راجع يا خوووووووويا
مش بمزاجي
لو عليا أبيع في ثانية
ربنا يوفقه شيرو
انا اللي هتحاسب المرة دي
استر يارب
متفكرنيش
بموضوع الكومنتات ده
البلوجات ماتت
والعالم كلها بقت فيس بوك
مش عارف ليه
عادي يمشوا سوى
لازم الجديد يرمي القديم
عينيا ليك
احنا لينا غير بعض
نسمع بعض ونكتب لبعض
هههههههههههه
ادعي قوي بضمير
ياااااااارب
انا مش ناقص خنقة
سيييييييي يوووووووووووو
أختي الحبيبة فيحاء
أقصد أخويا ابن ال .... مااااااشي يااوااااااطي
معادي؟؟؟ طيب انا نازل كايرو الاربع والخميس يا عفن الخبز ومش جايلك ... لأ مش جايلك ... اتحايل على أهلي شوية
ههههههههههههه
حلوة جدن جدن جدن ... بس براحتك خاااالص
برضوا غصبن عن أهل الحتة وأهلك وأهل أي حد تاني هترجع وابقى اعمل ز ابوك ييجي يوم ما اسافر ويسافر يوم ما اجي ... شكلي هخسركوا بجد يا دزم
واحب في النهاية اهديلك انت وصاحبك عاصم ابن الناس اغنية الميكروبااااظ الميكروبااااظ بحب اسوق الميكروبااااظ
يحرق يولع شعب زبالة
الأستاذ سجاااااير
حضرتك هنا سوبر جيت
محترم وممنوع التدخين
يحرق يولع كمان
ده لما نبقى في بنزينة
انما هنا المعادي
يعني مضيفات مصر للطيران
جيرانك وأحمد عز ومحمد عدوية
أظن علاقتي بيكو قربت
تصل للنهاية امسحوا رقمي
ارجوكم كفاية عليكو انا
ههههههههههههههههه
تلميذ السفالة ايه رأيك
جوها مختلف عن كل اللي كتبته قبل كده
بس حاسسها وش مني برضه
سينا من سوريا مفيش فايدة
كله فاني
حتى ان كان الرد مفيش
قلبي هيقبل يـبقى أفـيـش
حاسـس إنك روح
من توبي
عاشقة ...وخايفة
تيجي تـطـهـّر كل ذنوبي
عمري ف يوم
ما احتجت لحد
غصبن عني
كنت بـكـبـّر بيننا السد
طوبة بهجـْر وطوبة بـود
الله
ايه ده حلاوه بيحس
ههههههههههههه
يا عم العو
يا عم اجري
عو على نفسك مش على حد تاني
بطلع لساااااني
والله حلوه أوي
إلى الأمام يا أم العروسه
؛)
يحي باشا والشعر الجميل اللي وحشني
سوبر قصيدة مش سوبر جيت
لسه قاري قيدة بردو اناهردة في قطر وما احلى حواديت المواصلات قصص او اشعار
بتبقى فيها مصداقية وروح تكاد تكون حقيقية
؛)
كالعادة النص متماسك جدا
والموسيقى من اعلى اعلى ما قريتلك وانا قلتك ان ابحب قوي اللي يفرض عليا مزيكة القصيدة عشان اقراها وانا مستريح واقراها صح
لكن باستثنى - صح باستثني دي - كلمة
كان في الحتة دي :
كان إيـه طـلـّعـني بـرّة البـيـت
وقريتها متين مرة من غير كان لقيتها اظبط
والعفو يا صديقي طبعا انت اللي نصك جامد ويدعو للحزلقة
سلامي ليك ومعلش الغيبة كانت غصب عني المدونة كان تبعافية حبتين
كل سنة وانت طيب وطمنا عالنتيجة
ثورة هانم
بنوتي الغالية
ازيك كل سنة وسيادتك بخير
ولسانك أقصر من الأول
ههههههههههه
ساعات واللهي بحس
في الأعياد والمناسبات
ولما يبقى موريش حاجة
هههههه
كل اللي باقيلنا روح الجنان
تحياتي
أحمد بك سلامة
عودا حميدا
خضتني عليك
مدونة مسروقة وحركات
أمال مين اللي بينزل بوستات
هههههههههههه
ايه جو الرعب ده
حمد الله على سلامتها
ويارب ترجع بومب عن الأول
بجد كنت زعلان
لسه هترجع تاني تعمل اسم جديد
مش عارف
انت لقطت الجملة دي ازاي
دي الوحيدة اللي ضيفتها ساعة
أما كنت بكتبها ع البلوج
مكنتش في النص الأساسي
ههههههههه
بجد لقطتها ازاي
فعلا واللهي ده اللي حصل
فضلت أعدل فيها كتير ع الورق
وخلاص بقت كده
بعدين حطيت دي
عينينا ليك يا باشا
نشيل كان دي
انت تأمر
الواحد مبيصدق حد يخش يقوله
اي بق فيه دماغ
مش حلو وشاطر وربنا يخليك ليها
هههههههههههههه
تشكر للاهتمام يا ملك
ولو موركش حاجة نتقابل
لما آجي بلدكووووووو
ههههههههههههههه
والله انت فقرى
حلوة اوى ودمها خفيف جدا
واد ماهى دمها خفيف ليها مغزى وعميقه اوى
كل يوم بكتشف فيك موهبه جديده
القصيده دى منتهى الشقاوة والعفرته
وخفه الدم
دائما رائع
ياعم يحى لما ارجع ان شاء الله هاهريك تعليقات هزهقك منى
تحياتى
momkeeeeeen
مش ممكن
آخييييييييييرن عبرتني
هههههههههه
الله هو انا اتفضحت كده
دبي كمان عارفه اني فقري
هههههههه
يا سيدنا
الفقر ده
صفة مولود بيها
متقلقش عملالي ونس
بدل ما أقعد ساكت كده
توصل بالسلامة يا باشا
وتنور الدنيا علينا كومنتات
وتسلم لي بجد
الفترة دي
مستوى الهسس عالي جدن
يارب رجع الامتحانات تاني
كانت بتخلينا عاقلين
هههههههههه
هستنى منك تليفوووووووون
انا جيت انا جيت
متأخر بس المهم انى جيت
يااااااااااااااااااااااه ده الواحد تعب يا راجل لحد ما وصل
ادخل بلوج واطلع على الللى بعده
ايه ده
والموصلات لعندك طويله
وعشان الو احد يوصل وهو مرتاح البيجو هيتعبنى
مفيش غير السوبر جيت موصله مريحه
ولا ايه رايك
بطلع الللى عايز قطعه
هههههههههههههههههههه
بقى يوم ما تشطح تنطح سوبر جيت ياراجل مره واحده
ملها الحناطير على قدنا
الله يرحم التكاتك
ماشي ماشي
ولا راكب
كركركركر
اصلى عايزه ارخم شويتين
ما انت ابيه بقى
بس بجد تحفه يا حلاوه مين بس يتقله الكلام ده وميردتش
يخرب بيت احساسك اللى ............
انت بتجيب الكلام ده منين
يعنى بتضرب سقف مثلا
عرفنى الهى يصلح حالك
بجد عجبانى اوى اوى اوى
واحساساها فوق الوصف
واستحاله حد يقرءها وميوصلوش الاحساس اللى فيها
تضحكي ضحكة
تـشـك الـقـلـب
تـشـق الغـيـم وتحـلـّي الجـوْ
وحياة نـن العين السارح
ويـّا كتاب العمر المالح
كوني بْـحُـبك مـا تجـبّـيـش
ليه تـتـنـازلي
أو تـتـكـسـفى
ما تـخـــــبــيـش
حتى ان كان الرد مفيش
قلبي هيقبل يـبقى أفـيـش
حاسـس إنك روح
من توبي
عاشقة ...وخايفة
تيجي تـطـهـّر كل ذنوبي
عمري ف يوم
ما احتجت لحد
غصبن عني
كنت بـكـبـّر بيننا السد
ربنا يخللنا السوبر جيت ويبارك فيه بدام بيخليك تحس الاحساس ده
وتقول مش عارفه اوصف كلامك بايه
لوقت كلام حلو او حساس رائع مينفعش
بص مدام بيخلى كلامك جواه احساس عالى اوى كده
وربنا يحققلك كله اللى بتتمناه يا خويا
اخويا بجد
حتى ان كان الرد مفيش
قلبي هيقبل يـبقى أفـيـش
حاسـس إنك روح
من توبي
عاشقة ...وخايفة
تيجي تـطـهـّر كل ذنوبي
عمري ف يوم
ما احتجت لحد
غصبن عني
كنت بـكـبـّر بيننا السد
طوبة بهجـْر وطوبة بـود
بس المـرّة... أنا بستهبل
اصلها عجبانى اوى
جميل اوي كلام ودمه خفيف
مانووووووو هانم
ازيك أخبارك
تشرفي طبعا في اي وقت
البيت بيتك
عارف وراكي امتحانات
اي وسيلة مواصلات
المهم نوصل
هههههههه
بس بقالي فترة بحب أدلع مفسي
قلت كفاية مرمطة
مش طالبة
ههههههههه
حلو عظيم السوبر جيت
بيجيب كلام شغاااااااااااال
صابر راضي شاكر قانع
بالتكاتك لم أعترض والمصحف
بس تغيييييييييييير
ومسيري أرجع
لو سبتهم هما مش هيسبوني
ههههههههههه
والله يا ستي الكل
انا بضرب كشري في ميدان التحرير
وبعدين بفضل ماشي في الشوارع
لماشريف يبقى نايم طبعا
لحد مارجلي توجعني
اروح أنام أو أركب المترو
من أوله لاخره
ههههههههههههه
الحمد لله انها عجبتك
يبقى أكيد فيها حاجة حلوة
انتي عارفة الكذب في لساني بس
انما اللي جوة بيطلع بيطلع
ههههههههههه
ربنا يخليكي اختي العزيزة
شرف ليا بجد
ربنا يوفقك في حياتك
وتبقى حاجة كبيرة ترضيكي
سلامي للعائلة
لولا
شكرا يا فندم
ربنا يخليكي
شرفتي
Post a Comment
<< Home